Տորոնտոյում մի խումբ անցորդներին վրաերթի ենթարկելու մեջ կասկածվողը 25-ամյա Ալեք Մինասյանն է: Այս մասին լրագրողներին հայտնել է Տորոնտոյի ոստիկանության ղեկավար Մարկ Սաունդերսը, հաղորդում է ABC News-ը:
Նա ընդգծել էր, որ նախկինում Մինասյանը ոստիկանության ուշադրության կենտրոնում չի եղել: Նրա արարքի դրդապատճառները դեռ անհայտ են: Միաժամանակ, Սաունդերսը հայտնել է, որ ականատեսների վկայությունների համաձայն, կասկածյալի գործողությունները դիտավորյալ բնույթ են կրել:
Ոստիկանության ղեկավարը նաեւ նոր տվյալներ է ներկայացրել վրաերթի զոհերի մասին: Նրա խոսքով, վրաերթի հետեւանքով մահացել է 10, վիրավորվել՝ 15 մարդ:
The correct spelling of the arrested male in the Yonge And Finch incident is Alek Minassian, 25 of Richmond Hill. ^sm
— Toronto Police (@TorontoPolice) 24 апреля 2018 г.
Միաժամանակ, Reuters-ը՝ վկայակոչելով ԱՄՆ հատուկ ծառայությունների իր աղբյուրը, փոխանցում է, որ քննիչները քննարկում են նաեւ ահաբեկչության վարկածը: Աղբյուրի խոսքով, որեւէ հիմք չկա կարծելու, որ դա դժբախտ պատահար է:
Նշենք, որ ապրիլի 23-ին տորոնտոյում սպիտակ միկրոավտոբուսը վրաերթի է ենթարկել հետիոտնների բազմությանը:
Տորոնտոյում բեռնատարը վրաերթի է ենթարկել հետիոտներին