Ռուսաստանի կառավարության ղեկավար Դմիտրի Մեդվեդեւը ժամանակավոր համաձայնագիր է ստորագրել է ԵԱՏՄ-ի եւ Իրանի միջեւ ազատ առեւտրի գոտու ստեղծման մասին, հաղորդում է ՌԴ կառավարության մամուլի ծառայությունը: Ինչպես հաղորդվում է կառավարության կայքում, համաձայնագիրը «ժամանակավոր բնույթ է կրում (չորս տարի ժամկետով)»: Ազատ առեւտրի գոտին նախատեսված է «ապրանքների սահմանափակ ցուցակի» համար:
ԵԱՏՄ-ի եւ Իրանի միջեւ համաձայնագրի շուրջ աշխատանքը սկսվել էր 2015 թվականին, սակայն ստորագրման ժամկետները բազմիցս հետաձգվել էին: ԵԱՏՄ-ի մեջ են մտնում Հայաստանը, Բելառուսը, Ղազախստանը, Ղրղզստանը եւ Ռուսաստանը:
Համաձայնագիրը պետք է վավերացվի, քանի որ դրա պահանջները տարբերվում են Ռուսաստանի օրենքներով նախատեսվածներից: