News
Լրահոս
News
Ուրբաթ
Հոկտեմբեր 19
Տեսնել լրահոսը

Ուզում եմ Միացյալ Նահանգների կառավարության, ժողովրդի անունից գովեստով արտահայտվել Հայաստանի ժողովրդի մասին՝ խաղաղ իրենց ակցիաներն իրականացնելու համար: Այս մասին, այսօր՝ ապրիլի 24-ին, Ծիծեռնակաբերդի հուշահամալիրում լրագրողների հետ զրույցում ասաց ԱՄՆ դեսպան Ռիչարդ Միլսը։

Նա բարձր գնահատեց նաեւ ոստիկանության ու անվտանգության ուժերի աշխատանքը. «Ես ուզում եմ նաեւ գովեստով արտահայտվել ոստիկանության, անվտանգության ուժերի մասին, որոնք վերջին 11 օրերի ընթացքում հանդես էին բերում զսպվածություն եւ արհեստավարժություն։ Եղել են արժանահավատ հաղորդումներ բռնության որոշ դրսեւորումների մասին ցուցարարների դեմ, նաեւ՝ լրագրողների դեմ։ Անհրաժեշտ է, որպեսզի այս դեպքերով իրականացվի քննություն եւ  մեղավորները պատժվեն օրենքով սահմանված կարգով»:

Ինչ վերաբերում է Սերժ Սարգսյանի հրաժարականին, Միլսը ասաց. «Ուզում եմ նաեւ գովեստով արտահայտվել նախկին վարչապետ Սերժ Սարգսյանի մասին, նրա առաջնորդման մասին, ով լսելով ժողովրդի ձայնը՝ հրաժարականի որոշում կայացրեց», - ասաց ՀՀ-ում ԱՄՆ դեսպանը։

Նա նշեց, որ առաջիկա օրերին պատրաստ են աշխատել վարչապետի պաշտոնակատար Կարեն Կարապետյանի հետ. «Կարեւոր է, որ այժմ ժողովուրդը կարողանա գալ ընդհանուր հայտարարի եւ կարողանան որոշել իրենց հետագա անելիքները: Ես դրական եմ տրամադրված, թե ինչ ձեռքբերումներ կարող է ունենալ ժողովուրդը, եթե միասնական լինի»:

Հիշեցնենք, որ երեկ՝ ապրիլի 23-ին Սերժ Սարգսյանը հրաժարական տվեց վարչապետի պաշտոնից:

«Իմ քայլը» նախաձեռնության առաջնորդ, ԱԺ պատգամավոր Նիկոլ Փաշինյանը հայտարարել է, որ ապրիլի 25-ին շարունակելու են բանակցությունները՝ իշխանության անցնցում փոխանցման շուրջ:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
Ջոն Բոլթոնի այցը Հայաստան շատ էական է. Զոհրաբ Մնացականյան
Բոլթոնը գալիս է Ռուսաստան, գալիս է տարածաշրջան, եւ մենք ունենք մեր օրակարգը ԱՄՆ–ի հետ...
Բոլթոնը հոկտեմբերի 24–ին կայցելի Ադրբեջան, ապա Հայաստան
Կքննարկվեն տարածաշրջանային հարցեր…
ԱՄՆ Պետքարտուղարության ներկայացուցիչը ներկայացրեց Հայաստանում ամերիկյան ներդրումների համար պայմանները
Ամերիկացի գործընկերները կաշխատեն հայերի հետ այն ոլորտներում, որտեղ նրանք ցանկանում են մեզ հետ աշխատել…
Հայաստանի ԱԳ փոխնախարարը ԱՄՆ պետքարտուղարի փոխտեղակալ Ջորջ Քենթի հետ քննարկել է երկկողմ հարաբերությունները
Հատուկ անդրադարձ կատարվեց հայ-ամերիկյան միջկառավարական համատեղ հանձնաժողովի հերթական նիստի օրակարգին եւ անցկացման ժամկետներին…
Վստահ եմ, որ Թրամփ-Փաշինյան հանդիպումը տեղի կունենա. Քենթ
Այս թեման կներառվի Նիկոլ Փաշինյանի եւ ԱՄՆ նախագահի ազգային անվտանգության հարցերով խորհրդական Ջոն Բոլթոնի միջեւ բանակցությունների օրակարգում…
Փաշինյանն ու ԱՄՆ պետքարտուղարի փոխտեղակալը քննարկել են Արցախի խնդիրը
ԱՄՆ-ն շահագրգռված է, որ Հայաստանը հաջողություններ արձանագրի ժողովրդավարության զարգացման ոլորտում...
Ամենաշատ
Partner news