Սահմանադրական դատարանի համար նշանակություն չունի՝ երկրում ինչ քաղաքական իշխանություն է: Այս մասին, այսօր՝ ապրիլի 24-ին, Ծիծեռնակաբերդի հուշահամալիրում լրագրողների հետ զրույցում այս մասին ասաց ՍԴ նախագահ Հրայր Թովմասյանը։
Լրագրողների հարցին՝ չե՞ք կարծում, որ ձեր գրած Սահմանադրության հետեւանքն էր երկրում տեղի ունեցածը, նա այսպես պատասխանեց. «Սահմանադրությունը գրվել է, ներկայացվել է նախագահի կողմից, ընդունվել է ժողովրդի կողմից։ Գրել է հանձնաժողովը։ Այլեւս որեւէ հարցի չեմ պատասխանելու»։
Հարցին՝ ճի՞շտ եք գնահատում Սերժ Սարգսյանի քայլը, նա չպատասխանեց՝ նշելով, թե որեւէ հարցի չի պատասխանելու: Նա նշեց, որ ՍԴ նախագահը չի մեկնաբանում Սահմանադրությունը։
Դիտարկմանը, թե մտադի՞ր եք շարունակել պաշտոնավարել, նա պատասխանեց. «Երկրում իշխանություն չի փոխվել, անգամ փոխվելու պարագայում ՍԴ-ն շարունակում է իր գործունեությունը»։
Հիշեցնենք, որ երեկ՝ ապրիլի 23-ին Սերժ Սարգսյանը հրաժարական տվեց վարչապետի պաշտոնից:
«Իմ քայլը» նախաձեռնության առաջնորդ, ԱԺ պատգամավոր Նիկոլ Փաշինյանը հայտարարել է, որ ապրիլի 25-ին շարունակելու են բանակցությունները՝ իշխանության անցնցում փոխանցման շուրջ: