Բաքվում սկսվել է Ադրբեջանի ազգային անվտանգության նախկին նախարար Էլդար Մահմուդովի դատավարությունը: Դատը սկսվել է որպես տուժած ճանաչված Մաթլաբ Մուսթաֆաեւի «ԱԱՆ-ի գործով» հայցի հիման վրա: Ինքը՝ Էլդարը, դատարան չէր ներկայացել:
Ինչպես հայտնում է haqqin.az-ը, դահլիճում ներկա գտնվողներից մեկը ներկայացել է որպես Մահմուդովի կնոջ հայր: Նա ասել է, որ նախկին նախարարի դեմ հայցի մասին տեղեկացել է ապրիլի 23-ին: Իր խոսքով՝ Մահմուդովն իր դստեր հետ նույն հասցեում է գրանցված: Նա խնդրել է պայմաններ ստեղծել դատական գործի հետ ծանոթանալու եւ ներկայացուցչի հետ միասին դատարան ներկայանալու համար: Դատի նախապատրաստական նիստը նշանակվել է մայիսի 3-ին:
Հիշեցնենք, որ «ԱԱՆ-ի գործով» տուժած ճանաչված Մաթլաբ Մուստաֆաեւը դատարան էր դիմել Ազգային անվտանգության նախկին նախարար Էլդար Մահմուդովի եւ Ազգային անվտանգության նախարարության լուծարված քննչական վարչության նախկին նախարար Մովլան Շիխալիեւի հետ կապված: Մուստաֆաեւի հայցային հայտարարության մեջ նշվում է, որ իրեն զրպարտել եւ ձերբակալել են նախկին նախարարի պատվերով, եւ այժմ պահանջում է ավելի քան 100 հազար մանաթի չափով փոխհատուցում վճարել: