Facebook-ը հաղորդել է իր սոցիալական ցանցի հարթակում ահաբեկչության քարոզչության դեմ պայքարում գրանցած հաջողությունների մասին: Այս տարվա առաջին եռամսյակում հայտնաբերվել «Իսլամական պետություն» եւ «Ալ Քաիդա» ահաբեկչական խմբավորումների կողմնակիցների կողմից արված 1.9 միլիոն գրառում է հայտնաբերվել, հաղորդում է «ՏԱՍՍ»-ը՝ վկայակոչելով ընկերության կայքը:
«Վնասակար բովանդակությամբ գրառումների հայտնաբերման տեխնոլոգիան կարեւոր դեր է խաղում այս ոլորտում առաջընթացի հասնելու գորում, ուստի մեր հակաահաբեկչական թիմը անցյալ տարվա հունիսին ավելացվել է 150 մարդով եւ այժմ 200 աշխատակից է կազմում: Այս թիմի թիվը կաճի», - նշել են Facebook-ում:
«Առաջին եռամսյակում մենք համապատասխան միջոցներ ենք ձեռնարկեցինք «Իսլամական պետություն» եւ «Ալ-Քաիդա» խմբավորումների 1.9 միլիոն գրառումների նկատմամբ, սա երկու անգամ ավելի է, քան նախորդ եռամսյակում»,- հավելել են ընկերությունում՝ նշելով, որ դեպքերի մեծամասնության դեպքում ծայրահեղական գրառումները հանվել են:
Ընկերությունում նաեւ հստակեցրել են, որ իրենց համար սահմանել են ահաբեկչություն հասկացությունը. «Ցանկացած ոչ կառավարական կազմակերպություն, որը ներգրավված է անհատների կամ ունեցվածքի նկատմամբ բռնության դիտավորյալ գործողություններում՝ քաղաքական, կրոնական կամ գաղափարական նպատակներով քաղաքացիներին, իշխանության կառույցներին կամ միջազգային կազմակերպություններին ահաբեկելու նպատակով»: