Հանրապետությունում հասարակական կարգի պահպանման, հակաիրավական ոտնձգությունների դեմ պայքարի ու անվտանգության ապահովման ուղղությամբ աշխատանքը շատ կարեւոր է: Այս մասին, այսօր՝ ապրիլի 24-ին, ոստիկանապետ Վլադիմիր Գասպարյանի հետ հանդիպման ժամանակ նշել է վարչապետի պաշտոնակատար Կարեն Կարապետյանը:

Կառավարությունից NEWS.am-ին հայտնում են, որ Կարեն Կարապետյանը եւս մեկ անգամ շնորհակալություն է հայտնել ոստիկանության համակարգի բոլոր ներկայացուցիչներին՝ վերջին օրերին զանգվածային հավաքների, ցույցերի ու երթերի ընթացքում ցուցաբերած բարձր պրոֆեսիոնալիզմի, հասարակական անվտանգությունը պահպանելու, կատարած աշխատանքի եւ հանդուրժողականության համար:

Վլադիմիր Գասպարյանը զեկուցել է, որ հանրապետությունում օպերատիվ իրավիճակը վերահսկելի է եւ ընդգծել, որ ոստիկանությունը շարունակում է բարձր պատասխանատվությամբ իրականացնել իր առջեւ դրված խնդիրների լուծումը:

• Զինված ուժերում սկսված բարեփոխումները պետք է շարունակվեն. Կարեն Կարապետյանը՝ Վիգեն Սարգսյանին
• Կարեն Կարապետյանն անցկացրել է Անվտանգության խորհրդի նիստ. անդրադարձել են երկրի վիճակին (Ֆոտո)