Սանկտ-Պետերբուրգում մանկապղծության համար մեղադրվող 30-ամյա հայ է ձերբակալվել, հաղորդում է «Ռոսբալտ»-ը: Ադմիրալտեյսկի շրջանի իրավապահ մարմինների աշխատակիցներն անչափահաս բարեկամուհու նկատմամբ սեռական բռնության կասկածանքով տաքսու վարորդի են ձերբակալել:
Ապրիլի 20-ին շրջանի ոստիկանություն 32-ամյա գործազուրկ պետերբուրգցի կին էր դիմել՝ հայտնելով, որ անհայտ անձը իր՝ 2007 թվականին ծնված դստեր նկատմամբ սեռական բնույթի գործողություններ է կատարել:
Կասկածանքով ձերբակալվել է աղջկա հորեղբայրը՝ 30-ամյա տաքսու վարորդը: Հայաստանցին կասկածվում է 2012 թվականի դեկտեմբերից մինչեւ 2018 թվականն ընկած ժամանակահատվածում իր հարազատների՝ Սադովոյե փողոցի վրա գտվող բնակարանում անչափահաս զարմուհու նկատմամբ սեռական բնույթի բռնության համար: Քրեական գործ է հարուցվել ՌԴ Քրեական օրենսգրքի 132-րդ հոդվածի համաձայն: Կովկասցին ձերբակալվել է ՌԴ ՔՕ-ի 91-րդ հոդվածի հիման վրա: