Ռուսաստանը հույս ունի, որ իրավիճակը Հայաստանում կկարգավորվի բացառապես իրավական հարթության մեջ: Այս մասին հայտարարել է Ռուսաստանի ԱԳ փոխնախարար Գրիգորի Կարասինը՝ Ռուսաստանում ՀՀ դեսպան Վարդան Տողանյանի հետ հանդիպման ժամանակ, հաղորդում է ՏԱՍՍ-ը:
Դեսպանը տեղեկացրել է Հայաստանում Սերժ Սարգսյանի հրաժարականից հետո տիրող իրավիճակի մասին:
«Ռուսական կողմից ընդգծել են, որ Մոսկվայում ուշադիր հետեւում են Հայաստանի ներքաղաքական իրավիճակին եւ ցանկանում են շուտափույթ կայունացում՝ հանուն եղբայրական հայ ժողովրդի շահերի: Հույս ունենք, որ բոլոր առկա հակասությունները կկարգավորվեն բացառապես իրավական հարթության մեջ»,-նշել են Ռուսաստանի ԱԳՆ-ում:
«Հանդիպման ժամանակ քննարկվել են նաեւ հայ-ռուսական արտաքին քաղաքական Փոխգործակցության արդիական թեմաներ, փոխշահավետ այլ հարցեր»,-հավելել են գերատեսչությունում:
