Բելառուսի նախագահ Ալեքսանդր Լուկաշենկոն կարծում է, որ ԵՏՄ երկրները կարող էին օգնել Հայաստանի իշխանություններին հանրապետությունում իրավիճակի լարում թույլ չտալու համար, եւ միության անդամներին կոչ է արել միմյանց աջակցել, այլապես իրենց մեկ-մեկ կջարդեն:
«Շուտով Ռուսաստանում, նաեւ մեզ մոտ, Ղազախստանում եւ ԵՏՄ անդամ մյուս երկրներում մասնագետները կսկսեն քննարկել Հայաստանի իրադրությունը: Դուք ի՞նչ է՝ ուզում եք ասել, որ մենք մեղավո՞ր չենք այն բանի համար, ինչ Հայաստանում տեղի ունեցավ»,- Երեքշաբթի Մինսկում ասել է Լուկաշենկոն՝ ուղերձով դիմելով ժողովրդին եւ խորհրդարանին:
Որպես օրինակ նա բերել է իրավիճակը, երբ Հայաստանի կառավարության էներգառեսուրսների սակագների բարձրացման որոշումը բողոքի ցույցերի հանգեցրեց:
«Դուք հիշում եք մեկ, թե քանի տարի առաջ…Հայաստանի կառավարությունը բարձրացրեց բնական գազի գինը՝ իբր այլ ելք չկար…, իսկ հետո ստիպված էին նահանջել: Իսկ ի՞նչ է՝ դա մեզնի՞ց չէր կախված»,- հարց է հնչեցրել Բելառուսի նախագահը:
Լուկաշենկոյի խոսքով՝ եթե դաշնակիցները գործեն՝ միմյանց չաջակցելով, նրանց «մեկ-մեկ պարզապես կջարդեն, լավագույն դեպքում այս միությունից դուրս կքշեն»: