ԵՄ արտաքին քաղաքականության եւ անվտանգության հարցերով գերագույն հանձնակատար Ֆեդերիկա Մոգերինին չի բացառում, որ Սիրիայում ռազմական էսկալացիան կարող է ուժեղանալ։ Այս մասին նա հայտարարել է Բրյուսելում կայացած Սիրիայի հարցով միջազգային համաժողովի նվիրված մամուլի ասուլիսի ժամանակ, փոխանցում է ՏԱՍՍ–ը։
«Ռազմական էսկալացիան սպառնում է ուժեղանալ եւ ավելի խորանալ»,–ասել է նա։
Մոգերինին նաեւ հայտարարել է, որ միայն սիրիացիները պետք է որոշեն իրենց երկրի ճակատագիրը. «Սիրիան շախմատային տախտակ չէ, ոչ էլ աշխարհաքաղաքական խաղ։ Սիրիան պատկանում է սիրիացիներին, միայն նրանք պետք է որոշեն իրենց երկրի ճակատագիրը»,–ասել է նա։