Ստամբուլի Սուլթանահմեդի հրապարակում Հայոց ցեղասպանության 103–րդ տարելիցին նվիրված միջոցառումն արգելվել է Ստամբուլի նահանգապետարանի կողմից։
Թուրքական Evrensel–ի փոխանցմամբ՝ Մարդու իրավունքների միության Ստամբուլի մասնաճյուղը ապրիլի 24–ին, ժամը 12։00–ին նախատեսել էր Հայոց ցեղասպանության 103–րդ տարելիցին նվիրված միջոցառում իրականացնել։
Սակայն Ստամբուլի նահանգապետարանի ներկայացուցիչները, տեղեկանալով, որ միջոցառման ժամանակ օգտագործվելու է «ցեղասպանություն» բառը, արգելել են իրականացնել միջոցառումը՝ առաջարկելով այն անել առանց այդ բառի։
Սակայն կազմակերպիչները հրաժարվել են առանց «ցեղասպանություն» բառը օգտագործելու հանդես գալ՝ որոշելով, որ հավաքը կհետաձգեն մինչեւ 13։30 եւ կիրականացնեն Թաքսիմի հրապարակում։
Կազմակերպիչները նշել են, որ Թաքսիմի հրապարակում են լինելու Ֆրանսիայից ժամանած գործիչներ եւ թուրքական իշխանությունները կխուսափեն միջամտելուց։