Ստամբուլահայ լրագրող Հայկո Բաղդատը Twitter–ի իր էջում գրառում է կատարել 2011–ի ապրիլի 24–ին զորամասում սպանված Սեւակ Շահին Բալըքչըի հետ կապված։
«Սեւակին այսօր սպանեցին։ Պարտադիր զինվորական ծառայության ժամանակ հրազենով սպանեցին։ Դեւլեթ Բահչելին այդ մասին հայտարարել էր, թե հայը նահատակ չի կարող համարվել։ Նահատակ լինելը թող պետությանը մնա, մեր երեխաներին մի դիպեք, դա էլ բավարար է»,–գրել է Հայկո Բաղդատը։
Նշենք, որ 2011 թվականի ապրիլի 24–ին Թուրքիայի զորամասերից մեկում ծառայակցի կողմից սպանվել է ստամբուլահայ Սեւակ Շահին Բալըքչըն։
Սպանությունից հետո նրա ընտանիքը տեղափոխվել է Հայաստան։
