Այս հարյուրամյակում Քալիֆորնիան տառապելու է բնության քմահաճություններից. ուժեղ երաշտներին կփոխարինեն հորդառատ անձրեւները՝ 1862-ի մեծ ջրհեղեղի կրկնության հավանականությամբ, հաղորդում է USA.one-ը:
Վերջերս կատարված հետազոտության համաձայն, որը հրապարակվել է Nature Climate Change ամսագրում, ԱՄՆ-ի ամենախիտ բնակեցված նահանգում կլիմայի փոփոխությունը կուժեղացնի տարվա եղանակների միջեւ հակադրությունը. ամառն ասյտեղ ավելի շոգ եւ չոր կլինի, իսկ ձմեռն ավելի խոնավ:
«Տարածաշրջանում արդեն տեղումների քանակի ավելացում է նկատվում անձրեի հիմնական ամիսների ընթացքում»,- նշել է հետազոտության ղեկավար, Քալիֆորնիայի համալսարանից Դենիել Սուենը:
Ապագայում շոգ եւ չոր ամառը խոնավ ձմեռվա հետ կհաջորդեն իրար, տեղումներն այս հարյուրամյակում կավելանան 20-100 տոկոսով:
