Ապրիլի 25-ին Ռուսաստանի Դաշնության դեսպանատունը Երեւանում լրացուցիչ անվտանգության միջոցներ է ձեռնարկել՝ մայրաքաղաքում շարունակվող բողոքի ցույցերի կապակցությամբ: Այս մասին, ինչպես հաղորդում է «ՌԻԱ Նովոստի»-ն, հայտնել են դիվանագիտական առաքելությունում:
«Մեր հայ գործընկերները արտաքին անվտանգության միջոցներ են ձեռնարկել, մենք, մեր հերթին, սահմանափակել ենք մեր աշխատակիցների դուրս գալը, խորհուրդ ենք տվել նրանց ուղղակի այսօր դուրս չգալ (դեսպանատան սահմաններից): Ընդհանուր առմամբ դեսպանատան տարածքում իրավիճակը հանգիստ է»,- հայտարարել է գործակալության զրուցակիցը:
Ընդ որում, դիվանագիտական առաքելությունում դեռ չեն մեկնաբանում ընդդիմության առաջնորդ Նիկոլ Փաշինյանի հայտարարությունը, ով հայտնել էր Ռուսաստանի դեսպանի հետ հանդիպելու մտադրության մասին: Ավելի վաղ Փաշինյանը հանդիպել էր ԵՄ դեսպանների հետ: Բացի Ռուսաստանի դեսպանի հետ հանդիպումից, նա մտադիր է հանդիպել նաեւ ամերիկյան դիվանագիտական առաքելության ղեկավարի հետ:
Փաշինյանը հանդիպել է ԵՄ դեսպանների հետ, հանդիպելու է նաեւ ԱՄՆ եւ ՌԴ դեսպաններին