News
Լրահոս
News
Չորեքշաբթի
Հունիս 26
USD
477.07
EUR
542.91
RUB
7.61
ME-USD
0.16
Տեսնել լրահոսը

Ինձ համար անձնապես ընդունելի է Նիկոլ Փաշինյանի թեկնածությունը վարչապետի պաշտոնում եւ չեմ կարծում, որ մեր կուսակցությունը այդ թեկնածությանը դեմ լինի: Այս մասին, այսօր՝ ապրիլի 25-ին, ԱԺ պատգամավոր, «Իմ քայլը» նախաձեռնության առաջնորդ Նիկոլ Փաշինյանի գլխավորած երթի ժամանակ «Ազատության» հետ զրույցում նշեց «Ծառուկյան» խմբակցության պատգամավոր Նաիրա Զոհրաբյանը:

Նրա խոսքով, իրենք որպես ամենամեծ ընդդիմադիր քաղաքական ուժ ներկայացնելու են նաեւ իրենց մոտեցումները, տեսլականը, բայց այստեղ ունեն միասնական մոտեցում համազգային շարժման եւ Նիկոլ Փաշինյանի հետ:

«Իշխանությունը պետք է հեռանա, իշխանությունն իրենց պապական սեփականությունը չէ: Ի վերջո, պետք է ունենալ արժանապատվություն, տեսնելով այս համազգային ընդվզումը, առանց մանիպուլյացիաների, առանց տրյուկների, ինչը հիմա փորձում է անել իշխող կուսակցությունը՝ իր իշխանությունը երկարաձգելու համար, թողնել եւ հեռանալ»,-ասաց նա:

Հարցին, թե կիսո՞ւմ է Փաշինյանի մոտեցումը, որ պետք է «ժողովրդի թեկնածուին» ընտրել վարչապետ, հետո կազմել ժամանակավոր կառավարություն, ապա անցկացնել արտահերթ ընտրությունները, Նաիրա Զոհրաբյանը պատասխանեց. «Կարծում եմ՝ ժողովրդի ձայնը պետք է հարգել, բայց հասկանալի է, որ ընտրությունը կատարվելու է խորհրդարանում: Այսինքն իրավունքի ուժով կատարվելու է ընտրություն: Որքան ՀՀԿ-ն շուտ հասկանա, որ ավելորդ համառելը, ժամանակ ձգելը աշխատելու է իրենց եւ ժողովրդի դեմ, այնքան հանգուցալուծումը կլինի ավելի խաղաղ: Այս շարժումը վկայում է, որ ժողովրդի դեմ որեւէ մեկը չի կարող դուրս գալ»:

Նա ընդգծեց, որ իր կարծիքով խորհրդարանում կքննարկենք «Ելք»-ի հետ միասնական թեկնածու ունենալու հարցը. «Ինձ համար անձնապես ընդունելի է Փաշինյանի թեկնածությունը եւ չեմ կարծում, որ մեր կուսակցությունը այդ թեկնածությանը դեմ լինի: Բանակցություն կարող է լինել միայն իշխանությունն անցնցում ահնձնելու օրակարգով, ուրիշ օրակարգ չի կարող լինել, չկա: Մնացածը ժամանակ ձգելու մարտավարություն է»:

Նշենք, որ այսօր ԲՀԿ-ն հանդես է եկել հայտարարությամբ, որտեղ կոչ է արել իր բոլոր կուսակիցներին հանրապետության բոլոր մարզերում եւ մայրաքաղաք Երեւանում մոբիլիզացվել եւ դուրս գալ փողոց, լինել ժողովրդի կողքին:

Հիշեցնենք, որ ԱԺ պատգամավոր, «Իմ քայլը» նախաձեռնության առաջնորդ Նիկոլ Փաշինյանի գլխավորած շարժման 11 օր տեւած բողոքի ակցիաներից հետո, ապրիլի 23-ին Սերժ Սարգսյանը հրաժարական է տվել:

Փաշինյանը հայտարարել էր, որ ապրիլի 25-ին իշխանությունների հետ շարունակելու են բանակցությունները՝ իշխանության անցնցում փոխանցման շուրջ, սակայն ապրիլի 24-ի երեկոյան պարզ դարձավ, որ հանդիպումը չի կայանա: Կարեն Կարապետյանը հայտարարել է, որ Փաշինյանը միակողմանի նոր պահանջներ է առաջադրել: Փաշինյանն իր հերթին հայտարարել է, որ վերսկսում են բողոքի գործողությունները, քանի որ ՀՀԿ-ն Սերժ Սարգսյանի հրաժարականի գնով ուզում է պահպանել իշխանությունը:

Եթե ժողովուրդն այդպիսի պատասխանատվություն դնի ինձ վրա, չեմ հրաժարվի. Փաշինյանն իր վարչապետ դառնալու մասին

Տպել
Կարդացեք նաև
Ամբողջը
101-րդ օրվա անելիքը. հանել ուժայիններին բիզնեսից, ամրացնել կենտրոնացված կառավարումը եւ չբարիկադավորվել
Վերադարձ հնին հնարավոր չէ, բայց ապագայի տարբերակները շատ են…
Որոշվել է սեղմ ժամկետներում կասեցնել ԵԿՄ նախագահ Մանվել Գրիգորյանի լիազորությունները. ԵԿՄ փոխնախագահ
ԵԿՄ ազատամարտիկներն ու ԵԿՄ վարչության անդամները խստորեն դատապարտում են տեղի ունեցած...
Արտակ Մանուկյանը նշանակվել է վարչապետի խորհրդական
Ամեն ինչ կանեմ, որ արդարացնեմ ու արժանի լինեմ նման վստահությանը։ Ծառայում եմ Հայաստանի Հանրապետությանը...
Սուպերվարչապետությունը պետք է վերանա, բայց դա չի նշանակում, որ իշխանությունը պետք է հավասար բաշխվի. ՀՀ վարչապետ
Հայաստանում էլ իշխանությունը երբեք հավասար բաշխված չի լինելու, որովհետեւ պետք է հստակ լինի, թե ով է իշխանության պատասխանատուն…
Ժողովուրդն իր հաղթանակը չի կորցնի. Փաշինյանը՝ արտահերթ ընտրությունների հնարավոր արդյունքների մասին
Ես համոզված եմ, որ ընտրությունների արդյունքում ժողովուրդը կտոնի իր հաղթանակը...
Անկախ նրանից, թե ինչ փաթեթավորմամբ հետ կկանգնենք ընտրական օրենսգրքից, դա կլինի նահանջ. Արփինե Հովհաննիսյան
Ընտրական օրենսգրքի ընդունումը պետք է լինի նույն ոճով ու ձեւաչափով, որով ընդունվել է ներկա ԸՕ-ն…