Ինդոնեզիայում անօրինական նավթահորում բռնկված հրդեհի ժամանակ մահացածների թիվը հասել է 15-ի, եւս 43 մարդ վիրավորվել է, հաղորդում է «ՌԻԱ Նովոստին»՝ վկայակոչելով արտակարգ իրավիճակների դեմ պայքարի գործակալությանը:
Ավելի վաղ հաղորդվել էր 10 մահացածների եւ մի քանի տասնյակ տուժածների մասին:
«Մենք շարունակում ենք տվյալներ հավաքել մահացածների թվի մասին, քանի որ հրդեհը դեռ չի մարվել», — նշել է գործակալությունը:
Հաղորդվում է, որ բոլոր տուժածները հոսպիտալացվել են մոտակա հիվանդանոցները:
Նախնական տվյալներով՝ հրդեհի պատճառ կարող էր լինել եռակցման աշխատանքների ժամանակ առաջացած կայծը: Բացառված չէ նաեւ, որ հրդեհը կարող էր բռնկվել ծխախոտից: