Դանիացի ինժեներ եւ գյուտարար Պետեր Մադսենը կբողոքարկի Կոպենհագենի դատարանի վճիռը, որով նա շվեդ լրագրող Կիմ Վալի սպանության համար դատապարտվել էր ցմահ ազատազրկման։ Այս մասին հայտարարել է դատապարտյալի փաստաբան Բետինա Հալդ Էնգմարկը, փոխանցում է ՏԱՍՍ-ը։
Մադսենը նախկինի պես պնդում է, որ Վալը զոհվել է դժվախտ պատահարի հետեւանքով, սակայն դատավորը որեւէ հիմք չի տեսել մեղադրյալի անմեղության համար։ Համաձայն մեղադրանքի՝ սպանությունից մեկ օր առաջ դանիացին լրագրողին առաջարկել է մի քանի այլ կանանց հետ ինքնաշեն սուզանավով գնալ ծովային զբոսանքի, ըստ երեւույթին, արդեն իսկ մտքում մշակելով հանցագործության ծրագիրը։ Համաձայն հոգեբանական փորձաքննության՝ 47-ամյա Մադսենը պաթոլոգիական ստախոս է, ունի պսիխոպաթիայի նշաններ եւ բարձր է հավանականությունը, որ կարող է կրին սպանություն գործել, եթե ազատության մեջ հայտնվի։
Դանիացի գյուտարարը լրագրող Կիմ Վալի սպանության համար ցմահ ազատազրկման է դատապարտվել