Գերմանիան առաջնահերթ է համարում Իրանի միջուկային ծրագրի պահպանումը։ Այս մասին հայտարարել է Գերմանիայի արտաքին գործերի նախարարության ներկայացուցիչ Ռայներ Բրոյլը, փոխանցում է Reuters-ը։
Նա նշել է, որ Բեռլինն ուշադրությամբ քննում է Ֆրանսիայի նախագահ Էմանուել Մակրոնի առաջարկը ներկա համաձայնագրի հետ կապված խնդիրները լրացուցիչ համաձայնագրի միջոցով լուծելու մասին։ «Միջուկային համաձայնագիրը քննարկվել է 7 երկրների եւ ԵՄ-ի հետ եւ չի կարող վերանայվել կամ չի կարող փոխարինվել ըստ քմահաճույքի, բայց նաեւ պարզ է, որ միջուկային համաձայնագրի հետ մեկտեղ մենք ցանկանում ենք համոզվել, որ Իրանի միջուկային ծրագիրը ծառայում է բացառապես խաղաղ նպատակների»,-ասել է նա։
