Ֆրանսիայի նախագահ Էմանուել Մակրոնը քննադատել է «ֆեյք» լուրերը։ Նա, ելույթով հանդես գալով ԱՄՆ Կոնգրեսում, նշել է, որ համացանցում տարածվող սուտը սպառնում է ազատությանն ամբողջ աշխարհում, փոխանցում է AP-ն։
«Առանց ճշմարտության չկա իրական ժողովրդավարություն, քանի որ ժողովրդավարությունը իսկական ընտրությունը եւ ռացիոնալ լուծումներն են»,-նշել է նա՝ հավելելով, որ իր նախագահական ընտրարշավը նախորդ տարի կեղծ լուրերի պատճառով տուժել է։
Նա շեշտել է համացանցում մոլեռանդություն տարածող ահաբեկչական քարոզչության վտանգավորությունը։