Այսօր հանրահավաքի ընթացքում փորձ է արվել յուրովի մեկնաբանությամբ քաղաքականացնել ՀՀ ոստիկանության պետի խոսքը հանրությանն ու ոստիկանությանը: Այդ մասին ասվում է ոստիկանության հայտարարության մեջ։
«Հայտնում ենք, որ ոստիկանության պետի խոսքը բացարձակապես քաղաքական չէր, այլ պետության կայունությամբ մտահոգ, հասարակական կարգի պահպանման պատասխանատու, պետականության եւ քաղաքացու իրավունքների պաշտպան համակարգի ղեկավարի խոսք»,- ասվում է հայտարարության մեջ:
Նշենք, որ Հանրապետության հրապարակում ընթացող հանրահավաքում ԱԺ պատգամավոր, «Իմ քայլը» նախաձեռնության առաջնորդ Նիկոլ Փաշինյանը հայտարարել է, թե ոՈստիկանությունը հրաժարվելու է կատարել Կարեն Կարապետյանի որեւէ հրահանգ։ «Ոստիկանության եւ ոստիկանության պետի հայտարարությունները վկայում են, որ նրանք ուղղակիորեն հրաժարվելու են կատարելու Կարեն Կարապետյանի որեւէ հրահանգ։ Նա վարչապետի պաշտոնակատար չէ, եւ նրանք իրավասու չեն կատարելու նրա հրահանգները»,- ասել էր Փաշինյանը։
