Եվրոպական հանձնաժողովը հավանություն է տվել էներգետիկական մենաշնորհային գործարքին Ադրբեջանի հետ, որի հետեւանքով Մալթայի հարկատուները կարող են տարեկան կորցնել տասնյակ միլիոն եվրոներ։ Այս տվյալը երեւում է այն նյութերի վերլուծությունից, որոնք հայտնվել էին անցյալ տարվա հոկտեմբերին սպանված մալթացի լրագրող Դաֆնի Կարուանա Գալիցիայի տրամադրության տակ, հաղորդում է Guardian-ը:
Փաստաթղթերը հայտնվել են Daphne նախագծի տրամադրության տակ, նախագծում ներգրաված են 15 երկրների 18 մեդիա կազմակերպություններ, այդ թվում՝ Guardian-ը, Reuters-ը եւ Süddeutsche Zeitung-ը։
Գալիցիան սպանվել է արտահոսքի որոշ տվյալներ հրապարակելուց հետո։
Նյութերից որոշները վերաբերում են Ադրբեջանի պետական նավթագազային Socar ընկերության հետ 1 մլրդ եվրո արժողությամբ գործարքին, որի համաձայն Մալթան համաձայնել է ներկրել ամբողջ գազը, որն անհրաժեշտ է հաջորդող 10 տարիների ընթացքում իր էլեկտրակայաններին մատակարարելու համար։ Նախորդ տարի Մալթան վճարել է առնվազն 131,6 մլն եվրո՝ շուկայական գնից շուրջ 2 անգամ ավելին։
Փորձագետների խոսքով՝ Մալթայի հարկատուները մեծ փողեր են կորցնում։ Գործարքը Socar-ի հետ կնքվել է 2015 թվականին։