News
Լրահոս
News
Երեքշաբթի
Հոկտեմբեր 23
Տեսնել լրահոսը


Իրավունքների պաշտպան երկու միջազգային կազմակերպություններ հայտարարել են, որ ժողովրդահաճ՝ պոպուլիստ քաղաքական գործիչների կողմից լրատվամիջոցների նկատմամբ իրականացվող հարձակումները ու ճնշումները սպառնալիք են դարձել նաեւ խոշոր ժողովրդավարական պետությունների համար, հաղորդում է «Ամերիկայի ձայնը»:

Իրենց ամենամյա զեկույցներում Լրագրողներ առանց սահմանների եւ Freedom House կազմակերպությունները սուր քննադատության են ենթարկում Արեւմուտքի ժողովրդահաճ առաջնորդներին մամուլի միջոցները վարկաբեկելու, լրագրողներին կշտամբելու եւ սահմանափակումներ իրականացնելու սպառնալիքների համար։

Սուր քննադատությունների տակ հայտնված առաջնորդներից է ԱՄՆ-ի նախագահ Դոնալդ Թրամփը, որին քննադատում են «մամուլը Ամերիկայի ժողովրդի թշնամի» անվանելու խոսքերի համար։ Սա, ըստ ամենամյա զեկույցների, վնասում է մամուլի նկատմամբ հասարակական վստահությունը։

Եվրոպայում նույնպես գրանցվել է քաղաքական գործիչների կողմից մամուլի նկատմամբ բանավոր հարձակումների աճ։

Զեկույցում գնահատականների են արժանանում 180 երկրներ, որտեղ առաջին տեղում է Նորվեգիան, սանդղակի ամենացածր՝ 180-րդ աստիճանի վրա՝ Հյուսիսային Կորեան։

Հայաստանը 63-րդ տեղում է՝ հետ մնալով 50-րդ տեղում հայտնված Վրաստանից։ Սակայն նկատելիորեն առաջ է հարեւան Ադրբեջանից, որը 90-րդ տեղում է։ Թուրքիան 76-րդն է, Իրանը՝ 90, Ռուսաստանը՝ 83։ Զեկույցները հիշեցնում են Հայաստանում անցած ամառ սկսված զանգվածային ցույցերի ընթացքում անվտանգության ուժերի կողմից մամուլի նկատմամբ ցուցաբերված անհարգալից վերաբերմունքի փաստը։

Աշխարհի ամենավտանգավոր հատվածը շարունակում է մնալ Մերձավոր Արեւելք-Հյուսիսային Աֆրիկա տարածաշրջանը։

!
Այս նյութը հասանելի է նաև   English
Տպել
Partner news