Հարավային եւ Հյուսիսային Կորեաների միջեւ առաջիկայում կայանալիք բարձր մակարդակով բանակցությունների նախապատրաստությունն անցնում է միջազգային լրատվամիջոցների շրջանում չտեսնված աժիոտաժի պայմաններում։ Կազմակերպիչների տվյալներով՝ միջազգային սահմանից ոչ հեռու Կոյան քաղաքում տեղակայված մամուլի կենտրոն են ժամանել շուրջ երեք հազար լրագրողներ ամբողջ աշխարհից, փոխանցում է ՏԱՍՍ–ը։
Նշենք, որ Հարավային Կորեայի նախագահ Մուն Չժե Ինը մինչեւ բարձրաստիճան բանակցությունների մեկնարկըն անձամբ է հանդիպելու Հյուսիսային Կորեայի առաջնորդ Կիմ Չեն Ընին Հարավի եւ Հյուսիսի միջեւ դեմարկացիոն գծում։
«Նախագահ Մուն Չժե Ինը եւ նախագահ Կիմ Չեն Ընը իրենց առաջին պատմական հանդիպումը կսկսեն վաղը առավոտյան ժամը մոտ 9։30–ին Փհանմունջոմում»,–նշել է նախագահական աշխատակազմի ղեկավարը։
Նրա խոսքով՝ երկու երկրների առաջնորդները բանակցությունների արդյունքում մտադիր են համատեղ հռչակագիր ստորագրել, սակայն դրա բովանդակությունը դեսեւս հայտնի չէ։
Նշվում է, որ Հյուսիսային Կորեայի առաջնորդին բանակցություններին կուղեկցի քույրը՝ Կիմ Յո Չժոն։