Կեմերովոյի «Զիմնայա վիշնյա» առեւտրի կենտրոնում հրդեհի մասին կանչը ստացվել է ոչ թե այրվող շենքից, այլ դիմացի տնից։ Սա թույլ չի տվել հրշեջներին առաջին իսկ րոպեներից հասկանալ դրա մասշտաբները։ Այս մասին հայտարարել է №2 հրշեջ-փրկարարական մասի պահակախմբի ղեկավար Սերգեյ Գենինի փաստաբան Ելենա Կիսելեւան նրա կալանքի որոշման բողոքարկման դատական նիստի ժամանակ, փոխանցում է «Վզգլյադ»–ը։  

Կիսելեւան հայտարարել է, որ հրշեջներն առավելագույնս արագ են ժամանել եւ նշել է, որ կանչը ստացվել է ոչ թե «Զիմնայա վիշնյա»–ի թիկնապահներից, ոչ էլ աշխատակազմի աշխատակիցներից, ոչ էլ մարդկանցից որոնք իրենք իրենց էին փրկվել կամ փրկում էին ուրիշին։

«Կանչը ստացվել է դիմացի տնից։ Կանչը ստացվել է ժամը 16:03:36–ին ականտեսից, որը նկատել է տանիքի ծխի սյունը»,–ասել է փաստաբանը։

Այս պատճառով էլ հրշեջները կարծել են, որ կրակ է բռնկվել շենքի տանիքին, ոչ թե 4-րդ հարկում։ Բացի այդ, նրանք տեղում հանդիպել են մարդկանց, որոնք հանգիստ լքում էին առեւտրի կենտրոնը։

Սակայն Կեմերովոյի շրջանային դատարանը վճռել է ուժի մեջ թողել Գենինին կալանքի որոշումը։

Հիշեցնենք, Սերգեյ Գենինին ներկայացվել էր անփութության մեղադրանք։