Էկվադորի վերահսկիչ վարչությունը քրեական հանցագործության տարրեր է գտել նախկին նախագահ Ռաֆաել Կորեայի եւ մի շարք այլ պաշտոնյաների գործունեության մեջ 2012-2017 թվականների պարտքի կառավարման մասով, փոխանցում է «Ռոսբալտ»–ը
Հինգշաբթի երկրի կառավարության հաղորդակցության հարցերով քարտուղար Անդրես Միչելենը հայտարարել է, որ Էկվադորի դատախազությունը հետաքննություն է սկսել Կորեայի ընտրական քարոզարշավի ֆինանսավորման առնչությամբ։
«Հետաքննության գործընթացը սկսվել է, դատախազությունը հետաքննություն, է իրականացնում եւ ես կարծում եմ՝ պետք է մինչեւ վերջ գնալ»,–մեջբերում է նրա խոսքը Comercio պորտալը։
Կորեայի խնդիրները սկսվել են գործող նախագահ Լենին Մորենոյի հետ վեճից հետո։ Կորեան 10 տարվա ընթացքում զբաղեցրել է նախագահի պաշտոնը, իսկ հրաժարականից հետո ստիպված է եղել մեկնել ընտանիքի մոտ Բելգիա։
