Ապրիլի 24-ին Լոս Անջելեսում անհայտ անձը կրակել է հայկական դրոշով ֆուրգոնի վա: Մեքենայում 19-ամյա հայը եւ նրա քույրերն էին:
Տուժող Գարի Նալբանդյանը պատմում է, որ փամփուշտն անցել է նրա քրոջ կողքով, որը նստած էր ուղեւորների նստատեղին, հաղորդում է abc7-ը:
Նրա խոսքով՝ երբ նա ընթանում էր մայրուղիով, ինչ-որ մեկը կանգ առավ նրա բեռնատարի մոտ:
«Նա իջեցրեց պատուհանը, ես էլ մի քիչ իջեցրեցի, եւ մենք իրար նայեցինք: Հանկարծ նա սկսեց կրակել: Նա 8 անգամ կրակեց»,- պատմել է Նալբանդյանը:
Տուժողի եղբայր Սերժ Նալբանդյանը նշել է, որ նա ցավում է, որ ոմանք այնքան կրթված չեն, որ հասկանան՝ ապրիլի 24-ը Հայոց Ցեղասպանության զոհերի հիշատակի օրն է:
«Ես վշտացած եմ նրանից, որ նրանք չեն հարգում այդ: Նրանք միայն տեսնում են հայկական դրոշ եւ կարծում են, որ մենք այդպիսով ուզում ենք մեզ ցուցադրել», - հավելել է նա:
Երիտասարդը եւ նրա քույրը հրաշքով փրկվել են: