Կարեւոր է, որ ԱԳՆ-ն այս օրերին ավելի ուշադիր ռեժիմով աշխատի։ Այդ մասին այսօր՝ ապրիլի 26-ին կառավարության նիստից հետո լրագրողներին ասել է ԱԳ փոխնախարար Շավարշ Քոչարյանը։
Լրագրողները հարցրել են, թե կաշխատի արդյոք ինքը՝ Քոչարյանը երկրի նոր իշխանությունների հետ։ «Իմ անձնական ծրագրերի մասին չեմ խոսի, բայց կարեւորում եմ, որ հիմա բոլոր պետական կառույցները աշխատեն նույն ռիթմով, ինչը շատ կարեւոր է երկրի համար, անվտանգության համար եւ նաեւ միջազգային հեղինակության համար»,- ասաց նա:
Ըստ Քոչարյանի, ամենակարեւորն այս լարված պահին այն է, որ խնդիրը խաղաղ հանգուցալուշվի օրենքի, Սահմանադրության շրջանակներում։ ԱԳ փոխնախարարը վստահեցրել է, որ որեւէ միջազգային գործընկեր այս օրերին չի փորձել միջամտել ՀՀ ներքին գործերին։