Երեւանի Հանրապետության հրապարակում մեկնարկել է ընդդիմադիր շարժման հանրահավաքը։

Այսօր՝ ավելի վաղ ԱԺ պատգամավոր, «Իմ քայլը» նախաձեռնության առաջնորդ Նիկոլ Փաշինյանը հայտնել էր, որ «Քաղաքացիական պայմանագիր» կուսակցության, «Իմ քայլը», Մերժիր Սերժին» նախաձեռնությունների եւ ուսանողական շարժման նիստում ռազմավարական որոշումներ են կայացրել։ «Հեղափոխությունը պետք է հետեւողական շարունակվի եւ բերի իրական, ոչ թե կեղծ փոփոխություններ»,- ասել է Փաշինյանը եւ հավելել. «Այսօր չափազանց կարեւոր, ստրատեգիական բնույթի ասելիք է լինելու, երկրորդ փուլի ճանապարհային քարտեզն է, թե ինչպես պիտի շարժվենք առաջ՝ հեղափոխությունը հասցնելու տրամաբանական, բոլորիս համար ցանկալի հանգրվանի»։

Նշենք, որ այսօր երթը կարճ է եղել, Փաշինյանը կոչ էր արել վերջ տալ առանց համարանիշներ մեքենա վարելու պրակտիկային, նաեւ բացել Երեւանի փողոցները, որ մարդիկ կարողանան մասնակցել հանրահավաքին։

Կայացրել ենք ստրատեգիական որոշումներ. Փաշինյանը մանրամասները կպատմի հանրահավաքին