ԱՄՆ նախագահ Դոնալդ Թրամփը հայտարարել է, որ Հյուսիսային Կորեայի առաջնորդ Կիմ Չեն Ընի հետ հանդիպելու համար երեք կամ չորս ամսաթվի, ինչպես նաեւ հինգ վայրերի մասին է մտորում՝ հավելելով, որ դեռ պարզ չէ՝ հանդիպումը կայանալու է, թե ոչ:
Fox News-ին տված հարցազրույցում Թրամփը նշել է, որ Հյուսիսային Կորեայի ղեկավարի հետ պետքարտուղարի թեկնածու Մայք Պոմպեոյի հանդիպումը նախատեսված չէր: «Նա չպետք է հանդիպեր Կիմ Չեն Ընի հետ, բայց նա դա արեց: Նրանք պայմանավորվեցին», - ասել է Թրամփը` հավելելով, որ ցանկանում էր իր «անհավանական» հանդիպման լուսանկարները ցույց տալ:
Թրամփն ասել է, որ հույս ունի մայիսին կամ հունիսին հանդիպել Կիմ Չեն Ընի հետ:
«Հնարավոր է՝ ես առաջ եմ ընկնում, շատ հավանական է, որ հանդիպումն անգամ չկայանա: Ով գիտի, բայց ես կարող եմ ասել, որ նրանք ցանկանում են հանդիպել»: