Սպիտակ տան մամուլի ծառայությունը լուսանկարներ է հրապարակել ԱՄՆ արդեն հաստատված պետքարտուղար Մայք Պոմպեոյի եւ Հյուսիսային Կորեայի առաջնորդ Կիմ Չեն Ընի հանդիպումից:
Լուսանկարներում քաղաքական գործիչները Հյուսիսային Կորեայի նախագահականում միմյանց ձեռքն են սեղմում:
«Հրաշալի է, որ Պոմպեոյին հաստատեցին պետքարտուղարի պաշտոնում: Նա գերազանց աշխատանք է կատարում՝ ԱՄՆ նախագահին օգնելով լուծել Կորեական թերակղզու ապամիջուկայնացման հարցերը»,- նշել է Սպիտակ տան մամուլի քարտուղար Սառա Սանդերսը:
Great to have Secretary Pompeo confirmed. He will do an excellent job helping @POTUS lead our efforts to denuclearize the Korean Peninsula. (photos from previously confirmed Easter weekend trip) pic.twitter.com/o4RNDKVmah
— Sarah Sanders (@PressSec) 26 апреля 2018 г.
ԱՄՆ նախագահ Դոնալդ Թրամփը կարծում է, որ ԿՀՎ տնօրեն Մայք Պոմպեոյի եւ Կիմ Չեն Ընի հանդիպումը հրաշալի է անցել: Սակայն Վաշինգթոնը մտադիր չէ Փհենյանին որեւէ զիջում կատարել, նշել է Թրամփը:
«Առաջին՝ Հյուսիսային Կորեայում գործերը հոյակապ են ընթանում, տեսնենք՝ ամեն ինչ ինչպես կավարտվի»,- ասել է Թրամփը: Խոսելով Հյուսիսային Կորեա Պոմպեոյի այցելության մասին՝ ԱՄՆ նախագահը նշել է. «Չէր ենթադրվում, որ նա կհանդիպի Կիմ Չեն Ընի հետ, սակայն հանդիպեց»:
«Մենք հրաշալի լուսանկարներ ունենք, որոնցում նրանք պատկերված են հանդիպմանը զրուցելիս, ես կցանկանայի դրանք հրապարակել, եթե կարողանայի»,- նշել է ԱՄՆ նախագահը:
