Հյուսիսային Կորեայի առաջնորդ Կիմ Չեն Ընն ընդունել է Կորեայի Հանրապետության նախագահ Մուն Չժե Ինի՝ ցանկացած ժամանակ Սեուլ այցելելու առաջարկը։ Այս մասին ապրիլի 27-ին ճեպազրույցի ժամանակ հայտարարել է Կորեայի Հանրապետության նախագահի ավագ մամուլի քարտուղար Յուն Յոն Չհանը, փոխանցում է ՏԱՍՍ–ը։
«Պատվո պահակախմբի դիտման ժամանակ նախագահ Մունը նշել է, որ սա ամբողջ կազմը չէ, եթե Կիմ Չեն Ընը այցելի Կապույտ տուն, կկարողանա տեսնել պահակախմբի ամբողջական դիմավորումը»,–նշել է մամուլի քարտուղարը։
Սակայն այցի հստակ ժամկետներ չեն նշվել։
Ի պատասխան Կիմ Չեն Ընը նշել է, որ եթե ինքը հրավիրվի Կապույտ տուն, ապա սիրով կընդունի հրավերը։ Ապա Հարավային Կորեայի նախագահը հրավիրել է նրան, որը Կիմ Չեն Ընն ընդունել է։
Միաժամանակ նախագահ Մուն Չժե Ինը Հյուսիսային Կորեայի եւ Չինաստանի սահմանին գտնվող կորեացիների համար սուրբ լեռ համարվող Պեկտուսանում լինելու ցանկություն է հայտնել։
Հյուսիսային Կորեայի առաջնորդի հետ հանդիպմանը նախագահ Մունը ասել է, որ ժողովուրդը մեծ սպասելիքներ ունի այս հանդիպումից եւ նշել, որ Հյուսիսային Կորեայի առաջնորդի հետ հանդիպումները կարող են կանոնավոր լինել։ Ի պատասխան Կիմ Չեն Ընը հույս է հայտնել, որ այս գագաթաժողովը նոր հնարավորություններ կբացի երկկողմ հարաբերություններում։
Կորեական թերակղզու ապամիջուկայնացման հարցի քննարկման ժամանակ Կիմ Չեն Ընը խոստացել է, որ չի խանգարի Կորեայի Հանրապետության նախագահ Մուն Չժե Ինի քունը հրթիռային արձակումներով։
Մուն Չժե Ինը Կիմ Չեն Ընին առաջարկել է միավորել երկու երկրների երկաթուղիները