Ֆրանսիայի մայրաքաղաքային Իլ դը Ֆրանս շրջանում եւ Լուարե դեպարտամենտում 3 միլիոն եվրոյի լյուքսային կոսմետիկայի եւ օծանելիքի գողության գործով 11 մարդ է ձերբակալվել, նրանցից 7-ի դեմ արդեն իսկ մեղադրանք է առաջադրվել, փոխանցում է «ՌԻԱ Նովոստի»-ն՝ վկայակոչելով BFMTV հեռուստաալիքը:
Հեռուստաալիքի տվյալներով՝ նախաքննության ընթացքում, որը սկսվել է 2017 թվականի սեպտեմբերին, ֆրանսիական ժանդարմերիան «Կլիշե», «Սեւրանե», «Օրլեանե» եւ «Պարիժե» լյուքսային ապրանքանիշների գողացված կոսմետիկայով յոթ անօրինական պահեստ է հայտնաբերել, որոնցում 4650 սրվակ օծանելիք եւ 540 միավոր կոսմետիկա է եղել, այդ թվում նաեւ՝ շրթնաներկ եւ տուշ: Առգրավվել է նաեւ 5 ավտոմեքենա, սկուտեր եւ 16 հազար եվրո:
Դատախազ Շարտր Ռեմի Կուտենի խոսքով՝ «մեղադրյալների մեծ մասը խոստովանել է իր մասնակցությունը այս հանցագործությանը»:
