Հյուսիսային Կորեայի առաջնորդ Կիմ Չեն Ընը եւ Կորեայի Հանրապետության նախագահ Մուն Չժե Ինը ապառազմականացված գոտու դեմարկացիոն գծում սոճի են տնկել որպես խաղաղության եւ բարգավաճման խորհրդանիշ, փոխանցում է ՏԱՍՍ–ը։
Ընտրված ծառը աճել է 1953 թվականին, հենց այն նույն ժամանակ, երբ հրադադար է կնքվել, որով ավարտվել է եռամյա պատերազմը երկու պետությունների միջեւ։
Երկու Կորեաների առաջնորդները ծառը տնկել են թերակղզու զանազան հատվածներից բերված հողի խառնուրդով՝ Պեկտուսան լեռից՝ հյուսիսում եւ Հալասան լեռից՝ հարավում։ Ապա Կիմ Չեն Ընը եւ Մուն Չժե Ինը այն ջրել են Տեդոնգան եւ Հանգան գետերի ջրերով, որոնք համապատասխանաբար հոսում են երկու երկրների մայրաքաղաքների միջով։
Սա, ըստ հանդիպման կազմակերպիչների, խորհրդանշում է Կորեաների եւ նրա ժողովուրդների միասնությունն, ինչպես նաեւ արտացոլում է ապագայում Հյուսիսի ու Հարավի միավորման ձգտումը։
#Breaking: President Moon and Kim Jong Un Trew Soil at a Pine tree symbolizing a fresh new layer of growth together! in a unified #Korea. pic.twitter.com/WCAWHvSKwR
— Sotiri Dimpinoudis Ⓥ (@sotiridi) 27 апреля 2018 г.
