Տասներկու թիկնապահ վազքով ուղեկցում էին Կիմ Չեն Ընի ավտոմեքենան, որը ընթանում էր ճաշի՝ Հարավային Կորեայի առաջնորդ Մուն Չժե Ինի հետ բանակցությունների առաջին մասից հետո:
Մեկնաբանություններում շատերին զվարճացրել էր Կիմ Չեն Ընի թիկնապահների «առավոտյան վազքը»: Օգտատերերը ենթադրել են, որ ԱՄՆ նախագահ Դոնալդ Թրամփը համանման ուղեկցում կցանկանա շքերթի ժամանակ:
Նշենք, որ ուրբաթ օրը Կիմ Չեն Ընը դարձավ առաջին հյուսիսկորեական առաջնորդը, ով հատեց դեպի Հարավային Կորեայի պատասխանատվության գոտի տանող ռազմական գիծը: Հարավկորեական կողմում մենկնարկել են Հարավային Կորեայի եւ Հյուսիսային Կորեայի առաջնորդների հանդիպումը: Ինչպես սպասվում է, երկու կորեական պետությունների ղեկավարները կքննարկեն Հյուսիսի եւ Հարավի հարաբերությունների բարելավման, խաղաղության եւ վերամիավորման հեռանկարների հարցերը: