ՆԱՏՕ–ն ու Թուրքիան քննարկել են ամերիկյան քաղաքական գործիչների հայտարարությունները հնարավոր պատժամիջոցների մասին Անկարայի կողմից ռուսական զենիթահրթիռային Ս–400 համալիրներ գնելու պարագայում։ Այս մասին հայտարարել է ՆԱՏՕ գլխաբոր քարտուղար Յենս Սթոլթենբերգը Դաշինքի արտաքին գործերի նախարարների առաջին լիակազմ նիստի ամփոփիչ մամուլի ասուլիսի ժամանակ, փոխանցում է ՏԱՍՍ–ը։ «Ես ողջունում եմ այս հարցով ԱՄՆ–ի եւ Թուրքիայի ուղղակի շփումները»,–նշել է նա։
«Ինչ վերաբերում է Ս-400–ներին, ապա դա ՆԱՏՕ ամեն երկրի ազգային որոումն է, թե ինչ տեխնիկա նա կօգտագործի։ ՆԱՏՕ–ի համար կարեւոր է, թե արդյոք դրանք կինտեգրվեն ՆԱՏՕ ՀՕՊ համակարգին։ Իհարկե, դա բարդ կլինի, բայց այդպիսի դիմում թուրքական կողմից չենք ստացել»,–ասել է նա։
Ս-400–ների շուրջ Թուրքիայի եւ ՌԴ բանակցությունների մասին հայտնի է դարձել 2016 թ. նոյեմբերին։ Պայմանագրի կնքման փաստը ռուսական կողմը հաստատել է 2017թ. սեպտեմբերի 12–ին։