Վրաստանը «ՆԱՏՕ-ի շատ մոտ գործընկերն է»: Այս մասին հայտարարել է դաշինքի Գլխավոր քարտուղար Յենս Ստոլտենբերգը` նշելով, որ ՆԱՏՕ-ն շարունակում է Վրաստանին «գործնական եւ քաղաքական աջակցություն» ցուցաբերել, հաղորդում է Civil.ge-ն:
«Մենք ողջունում ենք Վրաստանի առաջընթացը ՆԱՏՕ-ի անդամակցության ճանապարհին, եւ ես համոզված եմ, որ այս գագաթաժողովը ընդունում է այդ առաջընթացը», - ասել է Ստոլտենբերգը` հավելելով, որ դաշինքը օգտագործում է «շատ տարբեր գործիքներ» գործընկերային կապերի ամրապնդման համար, այդ թվում Համատեղ մարզական եւ գնահատման կենտրոնը:
Նա նաեւ նշել է, որ դաշինքը բարձր է գնահատում Վրաստանի ավանդը ՆԱՏՕ-ի գործողություններում եւ առաքելություններում: «Այսպիսով, ոչ միայն ՆԱՏՕ-ն է օգնում Վրաստանին, այլեւ Վրաստանն է ՆԱՏՕ-ին մեծ աջակցություն ցույց տալիս», - հայտարարել է Ստոլտենբերգը: