Մոսկվայում և Մերձմոսկվայում շաբաթ օրը ցերեկը սպասվում է ուժեղ քամի և ամպրոպ, իսկ շրջանում հայտարարված է փոթորիկի նախազգուշացում։ Այս մասին հաղորդել է Մոսկվայի օդերեւութաբանական բյուրոյի մասնագետ Տատյանա Պոզդնյակովան, փոխանցում է ՌԲԿ-ն։

Նրա խոսքով՝ ապրիլի 28-ին Մոսկվայի ժամանակով 12։30-ից մինչև 18։00-ն մայրաքաղաքային շրջանում հնարավոր է հզոր ամպամածություն, սրա հետ կապված ամպրոպ է սպասվում որոշ վայրերում, ինչպես նաև սպասվում է  ուժեղ քամիներ, որոնց արագությունը կարող է հասնել ընդհուպ 12-15 մ/վ-ի։

Պոզդնյակովան հայտնել է, որ օդի ջերմաստիճանը կբարձրանան մինչեւ 14-15 աստիճան, հնարավոր է օրվա ընթացքում հասնի նաև մինչև 17 աստիճան։

Ապրիլի 21-ին Մոսկվայում փոթորիկի հետևանքով 3 մարդ է զոհվել, 16 մարդ էլ տուժել է։