Սիրիայի ուղղությամբ ԱՄՆ-ի, Ֆրանսիայի և Մեծ Բրիտանիայի ավիահարվածները միջազգային իրավունքի խախտում են և երկրում կարգավորման հեռանկարին լուրջ վնաս հասցրեցին։ Այս մասին հայտարարել է Ռուսաստանի արտգործնախարար Սերգեյ Լավրովը Թուրքիայի եւ Իրանի իր գործընկերների հետ եռակողմ հանդիպման ժամանակ, փոխանցում է «ՌԻԱ Նովոստի»-ն։
«Մինչ մենք ձեզ հետ ստեղծում ու կառուցում ենք, մեր մյուս գործընկերներից ոմանք փորձում են խաթարել մեր համատեղ կառուցողական ջանքների արդյունքները»,-ասել է Լավրովը։
«Այսօր մենք․․․նաև շեշտել ենք Սիրիան էթնո-դավանաբանական գծով բաժանելու փորձերի բացարձակ անթույլատրելիությունը»,-հավելել է ՌԴ ԱԳ նախարարը։
Իրանի ԱԳ նախարար Ջավադ Զարիֆն էլ իր հերթին հայտարարել է, որ Սիրիայում օտարերկրյա ներխուժումները ավելի են լարում իրավիճակը, իսկ ԱՄՆ գործողությունները ՍԻրիայում ափսոսանք են առաջացնում։