News
Լրահոս
News
Ուրբաթ
Մարտ 29
Տեսնել լրահոսը


Մենք հանրապետականներին ոչ մի ձայն չենք տալու, միասնական ընտրելու ենք ժողովրդի թեկնածուին: Այս մասին, այսօր՝ ապրիլի 28-ին, «Կենտրոն» հեռուստաընկերությանը տված հարցազրույցում նշել է «Ծառուկյան» խմբակցության ղեկավար, ԲՀԿ առաջնորդ Գագիկ Ծառուկյանը:

«Ես այս շարժմանը շատ դրական եմ վերաբերվում: Ուզում եմ ասել նաեւ, որ սա ոչ թե 1-2 տարվա հարց էր, այլ ժողովրդի մեջ տարիներով կուտակված դժգոհություն անարդարության, մենաշնորհի, կոռուպցիայի նկատմամբ, սոցիալական տնտեսական, քաղաքական, հարկային, բանկային վիճակի նկատմամբ: Դա տարիներով կուտակված հարց էր: Դա ՀՀԿ-ի ոչ ճիշտ պահվածքն էր ժողովրդի հանդեպ: Ժողովրդի մեջ կուտակվել էր ատելություն ու անվստահություն նրանց հանդեպ: Երբ ամեն անգամ հայտարարում էին, թե բոլոր ճանապարհները տանում են Մելիք-Ադամյան, որ ոնց որոշենք, այդպես պետք է լինի, արդեն դա պայթյունավտանգ էր դարձնում վիճակը: Բոլորս էլ գիտենք, որ սա լինելու էր, բայց չգիտեինք, թե երբ»,-հայտարարեց Ծառուկյանը:

Սա, ըստ նրա, մեր երիտասարդների հաղթանակն է, որոնք տեսնելով անարդարություն, հիասթափված այդ ամենից, ոտքի կանգնեցին եւ գնացին հանուն իրենց ապագայի. «Իրենք իրենց մասնակցությամբ հաղթանակը տարան եւ որոշողը, ապագայի կերտողը իրենք են»:

Ծառուկյանի խոսքով, այս հաղթանակը ժողովրդինն է եւ որեւիցե մեկը բարոյական իրավունք չունի այդ հաղթանակն իր վրա վերցնելու. «Ժողովուրդը պետք է առաջարկի իր թեկնածուին, ես իմ ամբողջ թիմով մեկ մարդու պես իմ ձայնը տալու եմ ժողովրդի թեկնածուին: Մենք թեկնածու չենք առաջադրելու, պաշտպանելու ենթ ժողովրդի թեկնածուին»:

Դիտարկմանը, որ ժողովրդի թեկնածուն Նիկոլ Փաշինյանն է, Ծառուկյանն արձագանքեց. «Ժողովրդի թեկնածուն Նիկոլն է, Սասունն է, թե Արարատն է, ում ժողովուրդը ում կհայտարարի, ում ներկայացնի, մեր ձայնը նրան ենք տալիս: Մենք թեկնածու չենք առաջադրում, որովհետեւ ժողովրդի հաղթանակը մենք մեզ վրա չենք վերցնում ու դա թող բոլորին հսականալի, ընկալելի լինի, եթե ես ասեցի, ուրեմն թող բոլորն իմանան` իմ ասածին ես տեր եմ»:

Դիտարկմանը, որ ՀՀԿ-ն արդեն հայտարարել է, որ թեկնածու չի առաջադրելու, սակայն ամեն ժամ իրավիճակը փոխվում է, եթե այդուհանդերձ ՀՀԿ-ն որոշի որեւէ տարբերակով թեկնածու առաջադրել, ինչպիսին կլինի իր մոտեցումը, Գագիկ Ծառուկյանը պատասխանեց. «ՀՀԿ-ի հետ գործ չենք ունենալու, ոչ մի ձայն իրենց չեն տալու: Կառաջադրեն, չառաջադրեն, իրենք գիտեն, մենք իրենց ձայն չենք տալու ամբողջ թիմով»:

Ինչ վերաբերում է տարածվող լուրերին, թե Ծառուկյանը կարող է առաջադրվել վարչապետի թեկնածու, ԲՀԿ առաջնորդն ասաց. «Դա ՀՀԿ-ի աշխատանքն է, միշտ այն մարդկանց, որոնք հարգանք ունեն ժողովրդի մեջ, փչացնելու: Իրենց կեղտոտ աշխատանքն են կատարում: Նրանք վարկաբեկելու քայլեր են կատարում, այդ բոլորը հասկանալի է: Մենք դրան լուրջ չենք վերաբերում, նրանք ուզում են վարկաբեկեն, ցեխ շպրտեն ինձ ու իմ թիմակիցներին»:

Հիշեցնենք, որ ապրիլի 13-ից Երեւանում եւ Հայաստանի մի շարք քաղաքներում բազմահազարանոց հանրհավաքներ ու ակցիաներ էին տեղի ունենում ընդդեմ Սերժ Սարգսյանի վարչապետության: Բողոքի ակցիաները գլխավորում էր «Ելք» խմբակցության ղեկավար Նիկոլ Փաշինյանը: Ապրիլի 23-ին Սերժ Սարգսյանը հրաժարական տվեց վարչապետի պաշտոնից եւ վարչապետի պաշտոնակատար դարձավ Կարեն Կարապետյանը:

Սրանով բողոքի ակցիաները չդադարեցին. Փաշինյանը պահանջում էր ՀՀԿ-ի հեռացումն իշխանությունից:

Վարչապետը ընտրության հարցը ԱԺ-ն քննարկելու է մայիսի 1-ի հատուկ նիստում: ՀՀԿ խմբակցությունն արդեն հայտարարել է, որ վարչապետի թեկնածու չի առաջադրելու: «Ելք»-ը հայտարարել է, որ մտադիր է առաջադրել Նիկոլ Փաշինյանի թեկնածությունը: ՀՅԴ-ն էլ առաջարկել է բոլոր խմբակցություններին վարչապետի միասնական թեկնածու առաջադրել:

Նշենք, որ ԱԺ-ում ՀՀԿ-ն ունի 58 մանդատ, «Ծառուկյան» դաշինքը՝ 31, «Ելք»-ը՝ 9, ՀՅԴ-ն 7 մանդատ: Վարչապետի ընտրության համար անհրաժեշտ է 53 ձայն:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Բոլորիս համար հանելուկ էր, որ Սերժ Սարգսյանը հրաժարական տվեց. Ծառուկյան
Փաշինյանն էն մարդն ա, որ ոչ ոք իրա վրա չի կասկածում, իրա դուխի, իրա մտքի....
Ձեզ կողմ քվեարկած անձանց չդիտարկեք ձերը. Վահրամ Բաղդասարյանը՝ Փաշինյանին
Այդ տասը անձինք եւս կիսում են մեր դիրքորոշումը, պարզապես կողմ են քվեարկելու...
Հաղթանակը պահելը պակաս կարեւոր չէ, քան հաղթանակի հասնելը. ՀՅԴ-ն եւ «Ծառուկյանը» կողմ են քվեարկելու
Հաղթանակը պահելը պակաս կարեւոր չէ, քան հաղթանակի հասնելը...
Այսօրվանից Հայաստանում սկսելու են անշրջելի փոփոխություններ. Էդմոն Մարուքյան
Ակնհայտ էր, որ տասնամյակներով ձեւավորված համակարգը փտել էր...
Այո՛, աշխարհը զարմացավ. Բաբլոյանը համաձայնվեց Լենա Նազարյանի հետ
Կարելի էր եւ հատուկ նշել՝ զարմացավ իշխանության պահվածքով, իրավապահ մարմինների կեցվածքով...
Այս հեղափոխությունը կարող է լինել նաեւ ձերը. Արամ Սարգսյանը՝ ՀՀԿ-ին
Դրա համար պետք է ուղղակի պատասխանել մի քանի հարցի...
Ամենաշատ