Ես կարծում եմ որ Մարտի 1-ի գործի բացահայտումը կարեւորագույն խնդիրներից է, եւ մեր պատմության այդ էջը պետք է ամբողջական բացահայտվի։ Այս մասին, այսօր՝ ապրիլի 30-ին, ԱԺ-ում լրագրողների հետ հանդիպման ժամանակ նշեց ընդդիմադիր շարժման առաջնորդ, ԱԺ «Ելք» խմբակցության ղեկավար Նիկոլ Փաշինյանը, որին «Ելք» խմբակցությունն արդեն իր նիստում առաջադրել է վարչապետի թեկնածու:
«Այսօրվա իմ կարգավիճակից ելնելով չեմ կարող այլ հայտարարություններ անել, բայց իմ տեսակետները գիտեք»,-ընդգծեց Փաշինյանը:
Հիշեցնենք, որ փետրվարի վերջին «Ելք» խմբակցությունը լսումներ էր կազմակերպել խորհրդարանում 2008 թվականի մարտի 1-2-ի իրադարձությունների հետ կապված: Բացի այդ ԱԺ հայտարարության տեքստ էր դրել շրջանառության մեջ, որը ԱԺ-ում մերժվեց: Փաշինյանը նաեւ դիմել էր գլխավոր դատախազին՝ պահանջելով հարցաքննության կանչել ՀՀ երկրորդ նախագահ Ռոբերտ Քոչարյանին: