Հայաստանի Հանրապետության վարչապետի պաշտոնում Նիկոլ Վովայի Փաշինյանի առաջադրման փաստաթղթերը քիչ առաջ ներկայացրեցի ՀՀ ԱԺ ընդհանուր բաժին։ Այս մասին Ֆեյսբուքի իր էջում գրել է ԱԺ «Ելք» խմբակցության փորձագետ, «Քաղաքացիական պայմանագիր» կուսակցության անդամ Վահագն Հովակիմյանը:
«Ելք» խմբակցությունից NEWS.am-ին հայտնում են, որ հավաքվել է 41 պատգամավորի ստորագրություն:
Նշենք, որ մայիսի 1-ի քվեարկությունից 7 օր անց՝ մայիսի 8-ին, անցկացվելու է վարչապետի նոր ընտրություն, որտեղ արդեն վարչապետի թեկնածուները կառաջադրվեն պատգամավորների ընդհանուր թվի առնվազն 1/3-ի կողմից:
Իսկ եթե այս դեպքում էլ չհաջողվի վարչապետ ընտրել, ԱԺ-ն օրենքի ուժով կցրվի, եւ արտահերթ ընտրություններ կանցկացվեն:
