Կրեմլում հույս ունեն, որ Ռուսաստանի եւ Հայաստանի բարի դաշնակցային հարաբերությունները կշարունակեն լինել ինչպես Երեւանի, այնպես էլ Մոսկվայի արտաքին քաղաքական կուրսի սկզբունք, իսկ Հայաստանի ներքաղաքական իրավիճակը կմնա սահմանադրական շրջանակներում։ Այս մասին երկուշաբթի լրագրողներին հայտնել է ՌԴ նախագահի մամուլի խոսնակ Դմիտրի Պեսկովը, փոխանցում է «ՌԻԱ Նովոստի»–ն։
«Մենք նախկինի պես հույս ունենք, որ բոլոր գործընթացները Հայաստանում կլինեն սահմանադրական եւ օրենքի շրջանակներում։ Մենք ցանկանում ենք մեր հայ բարեկամներին, որքան հնարավոր է շուտ կարգավորել ձեւավորված քաղաքական իրավիճակը։ Նաեւ մենք հույս ունենք, որ ամեն պարագայում դաշնակցային, բարի եւ կառուցողական երկկողմ ռուս–հայկական հարաբերությունները կմնան ինչպես մեր երկրի արտաքին քաղաքական հաստատունը, այնպես էլ Երեւանի»,–նշել է Պեսկովը։