Մենք բոյկոտել ենք ՍԴ անդամի թեկնածուի ընտրությունները՝ ելնելով ներկա քաղաքական իրավիճակից, նաեւ հաշվի առնելով մասնագիտացված ՀԿ-ների կողմից բարձացված մտահոգությունը: Այս մասին, այսօր՝ մայիսի 4-ին, ԱԺ-ում ՍԴ անդամի ընտրություններից հետո լրագրողների հետ զրույցում նշեց «Ելք» խմբակցության պատգամավոր Էդմոն Մարուքյանը:

Նրա խոսքով, իրենք Էմիլ Բաբայանի դեմ, որպես մասնագետ, որեւէ խնդիր չունեն. «Գիտենք, որ բարձր պատրաստվածությամբ մասնագետ է, բայց ընթացակարգի հետ կապված խնդիրներ կան, եւ կարծում եմ, որ ընթացակարգերի պահպանման դեպքում 10 օր հետո հնարավոր է ներկայացնել թեկնածուի», - նշեց Մարուքյանը։

Նշենք, որ այսօր՝ մայիսի 4-ին, ԱԺ-ում չհաջողվեց ՍԴ անդամ ընտրել ՀՀ նախագահի կողմից առաջադրված թեկնածու Էմիլ Բաբայանին: Պատճառն այն է, որ «Ծառուկյան» եւ «Ելք» խմբակցությունները չմասնակցեցին ընտրությանը:

ՍԴ անդամն ընտրվում է ԱԺ պատգամավորների թվի 3/5-ով (63 պատգաավոր): Էմիլ Բաբայանի օգտին քվեարկել էր 51, դեմ՝ 3 պատգամավոր:

Էմիլ Բաբայանը չընտրվեց Սահմանադրական դատարանի դատավոր