Արցախի Հնարապետության ՊՆ, ՊԲ հրամանատար, գեներալ-լեյտենանտ Լեւոն Մնացականյանի գլխավորությամբ այսօր՝ մայիսի 4-ին, տեղի է ունեցել կառավարական հանձնաժողովի հերթական նիստը՝ նվիրված մայիսյան եռատոնին նվիրված միջոցառումները պատշաճ մակարդակով կազմակերպելու հարցերին:
Արցախի ՊՆ-ից NEWS.am-ին հայտնում են, որ ինչպես միշտ, նախատեսվում է տոնական միջոցառումներին ընգրկել հանրապետության բոլոր բնակավայրերը, ուսումնական հաստատություններն ու ՊԲ-ի բոլոր զորամասերը, որի շրջանակում կլինեն ինչպես ավանդական համերգային ծրագրեր ու ոգեկոչման արարողություններ, այնպես էլ արիության դասեր ու մեծարման երեկոներ, մշակութային ու մարզական տարբեր միջոցառումներ:
Նիստի ընթացքում կարեւորվել է նախատեսվող բոլոր միջոցառումները եռատոնի ոգուն ու տրամադրությանը համահունչ կազմակերպելու անհրաժեշտությանը:
