Ալեքսեյ Նավալնին ու Նիկոլայ Լյասկինը Մոսկվայում ձերբակալվել են չհամաձայնեցված ցույցեր կազմակերպելու համար, Մոսկվայի հարցերով ՆԳՆ գլխավոր վարչության մամուլի ծառայությունում, փոխանցում է «ՌԻԱ Նովոստի»-ն։
«Նրանք տեղափոխվել են ոստիկանության տարածքային բաժին օրենքին համապտասխան նրան պատասխանատվության ենթարկելու հարցը լուծելու նպատակով»,-նշել է գործակալության զրուցակիցը։
Ավելի վաղ Նավալնիի նախընտրական շտաբի մամուլի քարտուղար Ռուսլան Շավեդինովը հայտնել էր Նավալնիի ձերբակալության մասին։ Համացանցում հայտնվել էր նաեւ Նավալնիի ձերբակալության տեսանյութը։
Ոստիկանությունը բարձրախոսներով խնդրել է Պուշկինսկի հրապարակում հավաքվածներին չխանգարել մյուս քաղաքացիներին անցնել՝ նախազգուշացնելով ուժ կիրառելու հնարավորության մասին։ Այն բանից հետո, երբ ամբոխից բղավոցներ են հնչել, ոստիկանությունը սկսել է կալանավորել ցույցի մասնակիցներին։ Նրանցից ոմանց ոստիկանները նետել են արմատախիլ արված թփուտները։
«Նա մեզ համար ցար չէ» բողոքի ցույցերը անցկացվում են մայիսի 7-ին նշանակված Վլադիմիր Պուտինի երդմնակալությանն ընդառաջ։ Ցույցերը տեղի են ունենում ՌԴ շատ քաղաքներում։ «ՕՎԴ-Ինֆո»-ի հաղորդմամբ՝ ընդհանուր առմամբ կալանավորվել է ավելի քան 200 մարդ։
