ԱՄՆ-ի Մասաչուսեթս նահանգում գտնվող իր տանը ապրիլի 30-ին 92 տարեկանում մահացել է ամերիկահայ գործարար Ռոբերտ «Բոբ» Կոլոմբոսյանը. նրա ընտանիքն առաջիններից է, որ Միացյալ Նահանգներում զբաղվել է յոգուրտի արտադրությամբ, հաղորդում է The Armenian Weekly-ն:
Ռոբերտ Կոլոմբոսյանը ծնվել է 1925-ի դեկտեմբերի 8-ին Արեւմտյան Հայաստանից ԱՄՆ գաղթած Սարգիս Կոլոմբոսյան եւ Ռոզա Գրիգորյան-Կոլոմբոսյան զույգի ընտանիքում: Նրա ծնողները Colombo & Sons Creamery ընկերությունը հիմնադրել են 1929 թվականին: Հետագայում Ռոբերտը ժառանգել է բիզնեսը:
Բոբ Կոլոմբոսյանը բանակի վետերան է եղել Երկրորդ աշխարհամարտից հետո:
