Իրանի հարավ-արեւմուտքում Ղոհգիլույ եւ Բոյերահմեդ նահանգներում տեղի ունեցած երկրաշարժի հետեւանքով վնասվածքներ է ստացել 82 մարդ, հայտնում է IRNA գործակալությունը՝ վկայակոչելով արտահերթ բժշկական օգնության ծառայությանը:
Երկրաշարժը տեղի է ունեցել երկուշաբթի տեղական ժամանակով 00.26-ին Յասուջ քաղաքի մերձակայքում: Երկրաշարժի օջախը գտնվում էր 5 կմ խորության վրա: Երկրաշարժի հետեւանքով Յասուջում կարճ ժամանակով խափանվել է էլեկտրամատակարարումը:
Ինչպես հայտարարել է տեղական արտահերթ բժշկական օգնության կենտրոնի ղեկավար Ջալալա Փոուրանֆարդան, 71 տեղացիների օգնություն է ցուցաբերվել տեղում, 11 մարդ հոսպիտալացվել է: