Իսրայելի էներգետիկայի նախարար Յուվալ Շթայնիցը Սիրիայի նախագահ Բաշար Ասադին սպառնացել է տապալմամբ եւ ոչնչացմամբ, եթե նա հետագայում եւս Իրանին թույլ տա իր երկրի տարածքից գործել, հայտնում է «Ուայթ-նեթը»:
Իսրայելի իշխանությունները Իրանին, որը Սիրիայի գլխավոր դաշնակիցներից մեկն է, մեղադրում են երկիրը թշնամական պլացդարմի վերածելու ձգտման մեջ եւ խոստանում են դա թույլ չտալ՝ չկանգնելով ռազմական ուժի կիրառման առաջ:
«Եթե Սիրիայի նախագահ Բաշար Ասադը շարունակի իրանցիներին թույլ տալ Սիրիայից գործել, ապա Իսրայելը նրան կոչնչացնի եւ իր ռեժիմը կտապալի»,- ասել է Շթայնիցը:
Նա բոլորին, «ով շահագրգռված է Ասադի ողջ մնալով», կոչ է արել նրան համոզել Իսրայելի դեմ ագրեսիվ գործողություններին խանգարելու անհրաժեշտությունը: