News
Լրահոս
News
Երկուշաբթի
Հոկտեմբեր 21
USD
476.34
EUR
530.17
RUB
7.45
ME-USD
0.08
Տեսնել լրահոսը

Արցախում լարվածության աճը չի կարելի բացառել:  Այս մասին  «Էխո Մոսկվի» ռադիոկայանի եթերում հայտարարել է Հայաստանի նախագահ Արմեն Սարգսյանը՝ պատասխանելով հարցին, թե Հայաստանում իշխանափոխությունը ինչպես կարող է ազդել ղարաբաղյան հակամարտության վրա:

Նա նշել է, որ Սահմանադրության համաձայն, ամբողջ գործադիր իշխանությունը գտնվում է վարչապետի ձեռքում: «Այսինքն քաղաքական գնահատականը եւ ծրագրերը պետք է որոշվեն կառավարության շրջանակներում:

Այլ բան է, որ հաշվի առնելով միջազգային հարցերում իմ փորձը, նրանք կարող են ինձ խորհրդի համար դիմել: Եվ ես ուրախ եմ արտահայտել իմ կարծիքը: Ես շատ հստակ կարտահայտեմ իմ կարծիքը, եթե տեսնեմ, որ զարգացումները գնում են սահմանադրության, օրենքի եւ ժողովրդի շահերի խախտման ուղղությամբ», - ասել է նա:

Պատասխանելով այն հարցին, որ շատերը Հայաստանում մտավախություն ունեին, որ Ադրբեջանը կարող է օգտվել իրավիճակից եւ ռազմական գործողություններ սկսել, Սարգսյանը նշել է. «Ես անձամբ գիտեմ նախագահ Իլհամ Ալիեւին, բավական լավ գիտեմ... Բայց իրավիճակը, քաղաքականությունն այսպիսին է, շատ նուրբ պահ է։

Ղարաբաղում լարվածության աճը չի կարելի բացառել։ Կառավարությունը պետք է լրջորեն զբաղվի դրանով, Հայաստանի եւ Արցախի սահմանների անվտանգությունը ապահովի, որպեսզի Հայաստանը տեղում Արցախին աջակցություն ցույց տա:

Սարգսյանը նշել է, որ այդ հարցը կրկին տանում է Ռուսաստանի մոտ։ Նրա խոսքով՝ Ռուսաստանը Հայաստանի ռազմավարական եւ ռազմաքաղաքական գործընկերն է։ «Հայկական բանակը շատ մոտ է ռուսականի հետ: Մենք ռազմատեխնիկական աջակցությունն ենք ստանում Ռուսաստանից, այլ ոչ թե ՆԱՏՕ-ից կամ Չինաստանից: Երկրորդ՝ երկու երկրներն էլ ՀԱՊԿ անդամներ են:

Երրորդ՝ Հայաստանի տարածքում է գտնվում ռուսական ռազմական բազան: Հայաստանին այդ բազան պետք է: Ես վստահ չեմ, որ այն Ռուսաստանին պետք է, դա պետք է որոշի Մոսկվան եւ Ռուսաստանի նախագահը, բայց մեզ այն պետք է, պետք է նաեւ հայ-ռուսական հարաբերություններին: Այնպես որ, ես միշտ պայքարելու եմ, որ  Հայաստանի եւ Ռուսաստանի հարաբերություններն ամուր լինեն»:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
Բոլորիս համար հանելուկ էր, որ Սերժ Սարգսյանը հրաժարական տվեց. Ծառուկյան
Փաշինյանն էն մարդն ա, որ ոչ ոք իրա վրա չի կասկածում, իրա դուխի, իրա մտքի....
Ձեզ կողմ քվեարկած անձանց չդիտարկեք ձերը. Վահրամ Բաղդասարյանը՝ Փաշինյանին
Այդ տասը անձինք եւս կիսում են մեր դիրքորոշումը, պարզապես կողմ են քվեարկելու...
Հաղթանակը պահելը պակաս կարեւոր չէ, քան հաղթանակի հասնելը. ՀՅԴ-ն եւ «Ծառուկյանը» կողմ են քվեարկելու
Հաղթանակը պահելը պակաս կարեւոր չէ, քան հաղթանակի հասնելը...
Այսօրվանից Հայաստանում սկսելու են անշրջելի փոփոխություններ. Էդմոն Մարուքյան
Ակնհայտ էր, որ տասնամյակներով ձեւավորված համակարգը փտել էր...
Այո՛, աշխարհը զարմացավ. Բաբլոյանը համաձայնվեց Լենա Նազարյանի հետ
Կարելի էր եւ հատուկ նշել՝ զարմացավ իշխանության պահվածքով, իրավապահ մարմինների կեցվածքով...
Այս հեղափոխությունը կարող է լինել նաեւ ձերը. Արամ Սարգսյանը՝ ՀՀԿ-ին
Դրա համար պետք է ուղղակի պատասխանել մի քանի հարցի...